شعبہ انگریزی نارووال یونیورسٹی کا نئے بیج کو خوش آمدید کہنے کے لیے حسب روایت ویلکم پارٹی کا انعقاد
شعبہ انگریزی، یونیورسٹی آف نارووال نے نئے بیچ کو خوش آمدید کہنے کے لیے ویلکم پارٹی کی۔ تقریب کا آغاز تلاوتِ قرآن پاک اور نعت رسولِ مقبول ﷺ سے ہوا۔ اس کے بعد مختلف قسم کی تفریحی اور فکر انگیز پرفارمنسز پیش کی گئیں، جن میں ایک تھیٹریکل پلے جس میں خواتین کو بااختیار بنانے اور حسد، منافقت اور سماجی نا انصافی کے خاتمے پر زور دیا گیا، انسانی فطرت کی عکاسی کے لیے مزاحیہ اور فلسفیانہ خاکہ پیش کیا گیا جس نے انسانی فطرت، زندگی کے انتخاب اور معاشرتی اقدار پر روشنی ڈالی۔
شعبہ انگلش کے انچارج نصر اقبال صاحب نے شعبہ کی نمایاں پیش رفت اور کامیابیوں پر روشنی ڈالی، اس کے ساتھ ایک کامیاب اور یادگار تقریب کے انعقاد میں فیکلٹی اور طلباء کی لگن کو بھی سراہا۔
رجسٹرار ڈاکٹر حسیب سرور صاحب نے شعبہ انگریزی کی کامیابیوں کی تعریف کی۔ جب کہ ڈاکٹر محمد اشفاق صاحب، اکیڈمکس کے ڈائریکٹر نے تخلیقی صلاحیتوں اور فکری نشوونما کو فروغ دینے میں اس کے کردار کی تعریف کی۔
ویلکم پارٹی نے اتحاد، تخلیقی صلاحیتوں، اور تعلیمی فضیلت کے جذبے کی عکاسی کی، جو نئے طلباء پر ایک دیرپا تاثر چھوڑتی ہے۔