کاروباری خبریں
پیاز نے سب سے بڑا ریکارڈ بنا لیا
پاکستان کی تاریخ میں پیاز کی ایکسپورٹ ریکارڈ سطح پر پہنچ گئی، جولائی سے اپریل تک پیاز کی ایکسپورٹ 200 ملین ڈالر سے زائد رہی۔
تفصیلات کے مطابق پاکستان کی تاریخ میں فروٹ اینڈ ویجیبٹل میں کسی بھی پروڈکٹ کی ایکسپورٹ میں پیاز سب سے آگے نکل گیا.
سرپرست ویجیٹیبل اینڈ فروٹ ایکسپورٹرز ایسوسی ایشن وحید احمد نے بتایا کہ جولائی سے اپریل تک پیاز کی ایکسپورٹ 210 ملین ڈالر سے بھی تجاوز کر گئی۔
انھوں نے بتایا کہ بھارتی پیاز کی ایکسپورٹ پر پابندی سے پاکستان کو نئی منڈیآں ملی ہیں ، پاکستانی پیاز کو مشرق بعید ،مشرق وسطی سمیت دنیا کی بڑی منڈیوں میں رسائی ملی ہے۔
دنیا کے بڑے اسٹوروں میں بھی اج پاکستانی پیاز دستیاب ہے، حکومت کو پیاز کی شیلف لائف بڑھانے کے لئے بھی اقدامات کرنے ہونگے۔
فروٹ اینڈویجیٹیبل ایکسپورٹرز آنے والے وقتوں میں پاکستانی پیاز کی نئی مارکیٹ ڈیلولیپ کر سکتے ہیں ، ملک کی 70 سالہ تاریخ میں کسی بھی سبزی کی ریکارڈ ایکسپورت اور زرمبادلہ کمایا۔
