پاکستان اور ترکمانستان کے درمیان تاپی گیس پائپ لائن مشترکہ عملدرآمد منصوبے کے معاہدے پر دستخط

تفصیلات کے مطابق وزیر پیٹرولیم مصدق ملک اور ترکمانستان کے وزیرمملکت نے تاپی مشترکہ عملدرآمد منصوبے پر دستخط کئے۔ تقریب میں وزیراعظم شہبازشریف بھی شریک تھے۔

اس موقع پر خطاب میں وزیراعظم شہباز شریف نے کہا کہ ترکمانستان اورپاکستان کی وزارت پیٹرولیم کو مبارکباد پیش کرتا ہوں، تاپی خطے کی خوشحالی کیلئے اہم منصوبہ ہے، تاپی پائپ لائن کا اشک آباد سے آغاز ہوگا۔

انھوں نے کہا کہ تاپی گیس پائپ لائن منصوبے سے خطے کو قدرتی گیس کی فراہمی ممکن ہوگی، عالمی صورتحال کے تناظر میں توانائی کی فراہمی ایک بڑا چیلنج ہے۔

وزیر اعظم کا کہنا تھا کہ معاہدے سے پاکستان اور ترکمانستان کے تعلقات مزید خوشگوار ہوں گے ، مستقبل میں بھی دونوں ملک ایک دوسرے سے تعاون جاری رکھیں گے۔