ملک میں یکم اکتوبر سے پیٹرولیم مصنوعات کی قمیتوں میں کمی کا امکان ہے، پیٹرول کی قیمت میں 15 روپے اور ہائی اسپیڈ ڈیزل کی قیمت میں 10 روپے فی لٹر کمی کی تجویز ہے۔
ذرائع کے مطابق یکم اکتوبر سے پیٹرول کی قیمت میں 15 روپے اور ہائی اسپیڈ ڈیزل کی قیمت میں 10 روپے، لائٹ ڈیزل آئل کی قیمت 12 روپے اور مٹی کے تیل کی قمیت میں 8 روپے فی لیٹر کمی کی تجاویز آ گئی ہے۔
ڈالر کے مقابلے میں روپے کی قدر میں بھی بہتری آئی ہے جبکہ پیٹرولیم لیوی کو بڑھانے کی صورت میں قیمتوں میں زیادہ کمی کا امکان نہیں۔
حکومت پیٹرول پر 60 روپے فی لیٹر لیوی وصول کر رہی ہے جبکہ ڈیزل پر فی لیٹر 50 روپے لیوی ٹیکس وصول کیا جا رہا ہے۔
حتمی فیصلہ نگراں وزیراعظم انوارالحق کاکڑ وزرات خزانہ کی مشاورت سے کریں گے۔