شوبز کی خبریں
معروف پاکستانی گلوکار کو دبئی ائیرپورٹ پر روک لیا گیا
![معروف پاکستانی گلوکار کو دبئی ائیرپورٹ پر روک لیا گیا](https://www.bolnewsurdu.com/wp-content/uploads/2024/07/25209f6cebdd6249cf7dc85ee1efd821_M.jpg)
معروف پاکستانی گلوکار راحت فتح علی خان کو دبئی ائیرپورٹ پر روک لیا گیا۔
ذرائع کے مطابق راحت فتح علی خان کئی گھنٹوں سے دبئی ائیرپورٹ پر پھنسے ہوئے ہیں۔ ذرائع کا بتانا ہے کہ راحت فتح علی خان اپنے شوز کے سلسلے میں دبئی پہنچے ہیں۔
ذرائع کے مطابق راحت فتح کے سابق منیجر سلمان احمد نے ان کے خلاف دبئی حکام کو درخواستیں دے رکھی ہیں۔ ذرائع کا بتانا ہے کہ راحت فتح علی خان نے چند ماہ قبل اپنے منیجر سلمان احمد کو تنازع کے بعد فارغ کردیا تھا۔
راحت فتح علی خان اور ان کے سابق پروموٹر سلمان نے ایک دوسرے کے خلاف مقدمات بھی دائرکر رکھے ہیں۔