امریکا میں تعلیم حاصل کرنے کےخواہشمند طلباء کیلئے بڑی خوشخبری

تفصیلات کے مطابق امریکی حکومت کی جانب سے کراچی سمیت سندھ بھرکےطلباء و طالبات کے لئے دو سالہ انگلش ایکسس اسکالرشپ پروگرام کی تعارفی تقریب سجائی گئی۔

تقریب میں امریکی کونصل جنرل سمیت کراچی اور سندھ کے مختلف اسکولوں کے طلب علموں نےشرکت کی۔

افتتاحی تقریب میں سابق طلبہ کی جانب سے انگریزی زبان میں تقریر کی گئیں ، بچوں نے ٹیبلو کے ذریعے تجربات سے آگاہ کیا اور بچوں نے امریکی قونصل جنرل کو تحائف بھی پیش کیے۔

امریکی قونصل جنرل نے کہا کہ اسکالر شپ پروگرام سے نہ صرف انگریزی سیکھنے میں مدد ملی گی بلکہ امریکی ثقافت کو سمجھنے کا موقع ملے گا اور اسکالر شپ سے سندھ اورکراچی کے آٹھ سو سے زائد طلباء و طالبات کو استفادہ حاصل کریں گے۔

US English Access scholarship program for Pakistani students 2024

اسکاٹ اربوم کا کہنا تھا کہ امریکا پاکستان میں تعلیم کے فروغ کیلئے پُرعزم ہے، انگلش ایکسس اسکالرشپ پروگرام طلباکیلئےبہت مفید ثابت ہوگا، تعلیمی اورپیشہ ورانہ صلاحیتوں میں اضافے سےطلباکونئے مواقع ملیں گےاور اُن پردنیا کے دروازےکھلیں گے۔

انھوں نے بتایا کہ امریکی حکومت نےدوہزارچارمیں انگلش ایکسس اسکالرشپ پروگرام شروع کیا،ابتک آٹھ ہزارطلبااستفادہ کرچکے ہیں۔