امریکا اور فلپائن نے اپنی اب تک کی سب سے بڑی مشترکہ فوجی مشقیں شروع کر دی ہیں۔
عالمی میڈیا رپورٹس کے مطابفق آج سے شروع ہونے والے مشقوں میں تقریبا 18000 فوجی حصہ لے رہے ہیں، جس میں پہلی بار بحیرہ جنوبی چین میں لائیو فائر ڈرل شامل ہوگی۔
فلپائن اور امریکہ کی جانب سے یہ فوجی مشقین گزشتہ روز چین کی ابنائے تائیوان میں جنگی مشقوں کے بعد شروع کیا ہے۔
فلپائنی مشقوں کے ترجمان کرنل مائیکل لوگیکو نے ایک فوجی کیمپ میں افتتاحی تقریب کے بعد صحافیوں کو بتایا کہ "ہمارے اپنے خودمختار علاقے کی حفاظت کے لیے ہمیں مشقین کرنی ہوگی”۔
واضح رہے اس سال منیلا اور واشنگٹن نے بحیرہ جنوبی چین میں مشترکہ بحری گشت دوبارہ شروع کرنے پر اتفاق کیا ہے۔
امریکی فوجیوں کو معاہدے کے تحت فلپائن کے اضافی چار فوجی اڈے استعمال کرنے کی اجازت ہوگی، جس میں تائیوان سے زیادہ دور بحری اڈہ بھی شامل ہے۔