بھارت سے ہردیپ سنگھ کے قتل کا بدلہ لیں گے: گرپتونت سنگھ پنوں

سکھ رہنما ہردیپ سنگھ کے قتل کے بعد پیدا شدہ صورتحال کے بعد آزاد خالصتان تحریک زور پکڑ گئی۔ ہردیپ سنگھ کے قتل کے خلاف سکھ برادری میں شدید غم و غصہ پایا جارہا ہے۔

خالصتان تحریک کے رہنما گرپتونت سنگھ پنوں کا کہنا ہے کہ بھارت ٹوٹے گا، پنجاب آزاد ہو کر خالصتان بنے گا۔ ہردیپ سنگھ کے قتل میں بھارتی حکومت اور اس کی خفیہ ایجنسی ملوث ہے۔

ان کا کہنا ہے کہ ہم بین الاقوامی قوانین کے مطابق چلیں گے۔ بھارتی پنجاب کے لوگ آزادی چاہتے ہیں، ہمارا راستہ ریفرنڈم ہے۔

یہ بھی پڑھیں: سکھ رہنما کا قتل، کینیڈا نے بھارتی خفیہ ایجنسی ’را ‘ کے سربراہ کو ملک بدر کردیا

انہوں نے کہا کہ ہماری تحریک لندن میں31 اکتوبر2021 کو 30 ہزار لوگوں سے شروع ہوئی۔ ہماری تحریک اب 1 لاکھ 30 ہزار تک پہنچ چکی ہے۔