15 کروڑ سال پرانا ڈائنا سور کا ڈھانچہ نیلامی کیلئے پیش کرنے کا فیصلہ

عالمی میڈیا رپورٹ کے مطابق اسی سلسلے کی ایک کوشش کے طور پر پیرس میں اگلے ماہ 15 کروڑ سال پرانا ڈائناسور کا ڈھانچہ نیلام کیا جائے گا۔  ایک اندازہ کے تحت اس نیلامی سے 12 لاکھ ڈالر ملنے کی امید ہے۔

حکام کے مطابق اس ڈائناسور کے ڈھانچے کا قد 6 فُٹ اور لمبائی 16 فُٹ ہے۔ جسے پہلی بار 1990ء میں امریکی ریاست وائیومنگ میں دریافت کیا گیا تھا۔

حکام کا کہنا ہے کہ اس ڈائناسور کے ڈھانچے کا سر 90 فیصد جبکہ دیگر جسم 80 فیصد اصلی ہے۔ اس ڈائناسور کے ڈھانچے کی نیلامی سے قبل اگلے ماہ عام عوام بھی اسے دیکھ سکیں گے۔