پولیس کا جاوید ہاشمی کی رہائشگاہ پر چھاپہ، قریبی عزیز گرفتار

ترجمان ہاشمی ہاؤس کے مطابق جاوید ہاشمی کے قریبی عزیز حمزہ ہاشمی کو پولیس نے گرفتار کرلیا ہے۔ پولیس کے مطابق جاوید ہاشمی نے 8 روز قبل اپنے گھر بلا اجازت پی ٹی آئی کا ورکرز کنونشن کیا تھا اور حمزہ ہاشمی ورکرز کنونشن والے دن پولیس پارٹی پر حملے میں ملوث تھا۔

پولیس کے مطابق اس واقعے کا مقدمہ بھی درج تھا اور چھاپہ ملزمان کی گرفتاری کے لیے مارا گیا تھا۔ اس سے قبل گزشتہ ماہ بھی ملتان میں پولیس نے جاوید ہاشمی کی رہائش گاہ پر چھاپہ مار کر ان کے داماد سمیت گھر کے ملازمین کو گرفتار کیا تھا۔

اُس وقت جاوید ہاشمی نے الزام لگایا تھا کہ پولیس دروازے توڑ کر گھر میں داخل ہوئی اور خواتین پر بھی تشدد کیا۔