جمیل احمد نے تحریک انصاف (پی ٹی آئی) کے امیدوار فتح اللہ کے خلاف 2020 کے انتخابات میں دھاندلی کے الزامات کے تحت درخواست دائر کی تھی، جس کے بعد الیکشن ٹربیونل نے یہ فیصلہ سنایا۔
الیکشن ٹربیونل کے جج راجہ شکیل احمد نے اپنے فیصلے میں کہا کہ جمیل احمد کو غیر قانونی طریقوں سے ان کے حق سے محروم رکھا گیا۔ ٹربیونل نے تسلیم کیا کہ انتخابات کے دوران بے ضابطگیاں ہوئی تھیں، جس کے باعث جمیل احمد کو ان کی جیت کا حق نہیں دیا گیا۔
فیصلے میں واضح کیا گیا کہ جمیل احمد کو 2020 کے انتخابات کے بعد ہی کامیاب امیدوار قرار دیا جانا چاہیے تھا۔
2020 کے انتخابات میں جمیل احمد پیپلز پارٹی کے ٹکٹ پر حلقہ 2 سے امیدوار تھے، جب کہ ان کے مد مقابل تحریک انصاف کے امیدوار فتح اللہ تھے۔ جمیل احمد کی پٹیشن میں الزام تھا کہ انتخابات میں دھاندلی کی گئی اور ووٹوں کی گنتی میں بے ضابطگیاں ہوئیں جس کی بنا پر انہیں ان کا جائز حق نہیں ملا۔