پاکستانی آرمی چیف جنرل قمر جاوید باجوہ نے چین کے صدر شی جن پنگ سے ملاقات کی۔ چین کے صدر نے کہا کہ پاکستان ہمارا آزمایا ہوا آہنی دوست ہے۔
واضح رہے کہ ڈائریکٹر جنرل (آئی ایس پی آر) میجر جنرل آصف غفور کے مطابق آرمی چیف آف پاکستان نے چینی صدر سے ملاقات خصوصی دعوت پر کی۔ آئی ایس پی آر کے مطابق آرمی چیف اور چینی صدر کی ملاقات میں علاقائی چیلنجز اور ان کے حل پر تبادلہ خیال کیا گیا۔ آرمی چیف تین روزہ سرکاری دورے پر بیجنگ میں موجود ہیں، انہوں اس سے قبل چینی ہم منصب سمیت اعلیٰ حکام سے اہم ملاقاتیں بھی کی ہیں۔