پیپلزپارٹی کی سینیٹر شیری رحمان نے کہا ہے کہ تبدیلی سرکار نے تمام فیصلے آئی ایم ایف کے حوالے کردیئے۔
سماجی رابطے کی ویب سائٹ ٹوئٹر پر جاری پیغام میں شرح سود میں اضافے پر ردعمل میں شیری رحمان نے کہا کہ پاکستان کی تیرہ اعشاریہ دو پانچ فیصد شرح سود ایشیاء میں سب سے زیادہ ہے۔ اس صورتحال میں ملک کا کاروبار کیسے بڑھے گا؟
انہوں نے کہا کہ تبدیلی سرکار نے تمام فیصلے آئی ایم ایف کے حوالے کردیئے۔ اس طرح کے اقدام کی منظوری کون دے رہا ہے؟ ماضی میں اِتنے برے حالات کبھی نہ تھے۔