لاہورہائیکورٹ نے بغاوت کا مقدمہ درج کرنے کے قانون کو کالعدم قرار دے دیا
لاہور ہائی کورٹ کے جسٹس شاہد کریم نے مختصر فیصلہ سناتے ہوئے دفعہ 124 اے کو آئین سے متصادم قرار دیا۔
لاہور ہائی کورٹ میں بغاوت کی دفعات کے تحت مقممہ درج کرنے کے خلاف ابوزر سلمان نیازی سمیت دیگر کی جانب سے درخواستیں دائر کی گیئں، اس موقع پردرخواست گزارکا کہنا تھا کہ بغاوت کاقانون 1860 میں بنایا گیا جو انگریز دور کی نشانی ہے. بغاوت کا قانون غلاموں کےلئے استعمال کیاجاتا تھا. کسی کے کہنے پر بھی مقدمہ درج کرلیا جاتا ہے۔
درخوست میں موقف اپنایا تھا کہ آئین پاکستان ہر شہری کو آزادی اظہار رائے کا حق دیتا ہے، اب بھی بغاوت کے قانون میں حکمرانوں کے خلاف تقاریر کرنے پر دفعہ 124 اے لگادی جاتی ہے، بغاوت کے قانون کو اب بھی سکیشن 124 اے کے ذریعے سیاسی مقاصد کیلئے استعمال کیا جارہا ہے.
مزید بتایا گیا تھا کہ حکومت وقت کے خلاف تقاریر پر غداری کا سیکشن 124 اے لگانا آزادی رائے کے سیکشن دس اے کے خلاف ورزی ہے، عدالت نے پی پی سی 1860 کی دفعہ 124-A کو خلاف آئین قرار دے کر کالعدم قرار دیا۔