سی جی آئی ٹیکنالوجی کے ذریعے تیار کی گئی اس جرسی کو تاریخی باب خیبر اور اسلامیہ کالج سے منسلک کیا گیا ہے جس کا مقصد خیبر پختونخواہ کی ثقافت کو دنیا بھر میں اجاگر کرتے ہوئے آنے والے سیزن کے لیے فینز کے جوش و خروش میں اضافہ کرنا ہے۔
https://twitter.com/PeshawarZalmi/status/1757353164506857572?ref_src=twsrc%5Etfw
پشاور زلمی خیبرپختونخوا، اس کے دارالحکومت پشاور اور اس کی روایت سے جڑی ہوئی ہے اور خیبرایڈیشن پلیئنگ کٹ اور ٹریننگ کٹ کو باب خیبر اور ارباب نیازاسٹیڈیم سے جوڑنا اسی جذبے کی عکاسی کرتا ہے کہ پشاور زلمی اپنے ہوم گراونڈ ارباب نیاز میں اپنے پرجوش شائقین کے سامنے کھیلنے کے لیے بے تاب ہے۔
پشاور زلمی ماضی کی طرح ایک بار پھر اپنے تمام فینز اور خیبرپختونخوا کے کلچر کے فروغ اور کرکٹ فینز کے جوش و خروش میں اضافے کا عزم لیے پی ایس ایل کے نویں ایڈیشن کی جانب گامزن ہے۔