پاکستانی کرکٹر محمد حفیظ نے ورلڈکپ کے بعد تسلسل کیساتھ ہونے والی پی سی بی اور کھلاڑیوں کی پریس کانفرنسز کو تنقید کا نشانہ بنایا ہے۔
سماجی رابطے کی ویب سائٹ کا سہارا لیتے ہوئے انہوں نے لکھا کہ پریس کانفرنس بمقابلہ، پریس کانفرنس بمقابلہ پریس کانفرنس۔ ساتھ ہی انہوں نے بلیم گیم کا ہیش ٹیگ بھی دیا۔
یاد رہے کہ پاکستان ٹیم ورلڈکپ کے سیمی فائنل تک بھی رسائی نہیں حاصل کرپائی، بیٹنگ میں عدم استحکام اور فیلڈنگ میں خامیوں سمیت کئی مسائل سامنے آئے، اس کے باوجود پی سی بی نے کرکٹرز کو میڈیا کے سامنے ایسے پیش کیا کہ جیسے ورلڈکپ جیت کر آئے ہوں،اچھی کارکردگی کا راگ الاپا گیا، امام الحق نے لاہور میں پریس کانفرنس کے دوران اپنے چچا انضام الحق کا بھرپور دفاع کیا۔