بھارتی کرکٹ بورڈ نے ورلڈ کپ سے باہر ہونے کے بعد دھونی کے بارے میں کیا فیصلہ کر لیا؟ جان کر آپ کو بھی یقین نا آئے گا

بھارتی میڈیا کا کہناہے کہ وکٹ کیپر بیٹسمین مہندر سنگھ دھونی کو ویسٹ انڈیز میں سیریز کیلئے نہ بھیجنے کا فیصلہ کیا گیاہے ۔ بھارتی اخبار کا کہناتھا کہ دھونی ویسٹ انڈیز نہیں جائیں گے اور وکٹ کیپنگ کیلئے وہ ٹیم انڈیا کیلئے پہلی ترجیح نہیں ہوں گے جبکہ ان کی جگہ ” رشباہ پنت “ کو ٹیم میں کھلایا جائے گا ۔

اس دوران مہندر سنگھ دھونی اس تبدیلی کو ممکن بنانے کیلئے اپنی مدد فراہم کریں گے ، وہ ممکنہ طور پر پلیئنگ الیون میں شامل نہیں ہوں گے تاہم 15 رکنی سکواڈ کا حصہ ہوں گے۔بھارتی اخبار کا کہناتھا کہ ٹیم کو اس وقت سرپرستی کی ضرورت ہے اور دھونی کو اس طرح سکواڈ سے باہر کردینا ٹیم کیلئے اچھا شگون ثابت نہیں ہو گا ۔ نیوزی لینڈ سے سیمی فائنل میں شکست کے بعد بھارتی کرکٹ ٹیم کے بارے میں بحث جاری ہے اور ممکنہ طو ر پر کوچنگ سٹاف میں بڑے پیمانے پر تبدیلیوں کا امکان ظاہر کیا جارہاہے ۔