آئی سی سی سے پاکستان کرکٹ بورڈ کو 6.5 ملین ڈالرز کی پہلی قسط موصول ہوگئی۔
پی سی بی کو مجموعی طور پر 11.5 ملین ڈالرز ملنے ہیں، جس میں سے 6.5 ملین ڈالرز پی سی بی کے اکاؤنٹ میں جمع ہوچکے ہیں۔
پہلی قسط جنوری میں کرکٹ بورڈ کو ملنی تھی، جو کہ 2017 اور 2018 کے آڈٹ اکاؤنٹس کی منظوری میں تاخیر کی وجہ سے معاملہ التوا کا شکار ہوا۔
چند ہفتے قبل لاہور میں پی سی بی کے گورنر بورڈ ممبران کی منظوری کے بعد اکاؤنٹس کی رپورٹ بورڈ نے آئی سی سی کو بجھوائی تھی، جس کے بعد انہوں نے پہلی قسط جاری کردی ہے۔
آئی سی سی ہر سال ممبر سے سالانہ پرافٹ ریونیو شیئر کرتی ہے۔ آئی سی سی کی جانب سے دوسری قسط بھی جلد ازجلد جاری کیے جانے کا امکان ہے۔