ایپل کی جانب سے صارفین کے لئے جلد سستا ترین آئی فون متعارف کرائے جانے کا امکان ہے۔
میڈیا رپورٹس کے مطابق امریکی کمپنی ٹیکنالوجی کمپنی آئی فون ایس ای (فورتھ جنریشن) کی تیاری پر کام کر رہی ہے، نئے آئی فون کو 2025 میں لانچ کیا جا سکتا ہے۔
اس فون میں ایپل انٹیلی جنس نامی اے آئی ماڈل پر مبنی فیچرز بھی ہو گا اس کے علاوہ نئے آئی فون میں فیس آئی ڈی کے آپشن کا اضافہ بھی کیا جائے گا۔
بلومبرگ کی رپورٹ کے مطابق آئی فون ایس ای 4 کی باڈی آئی فون 14 کی طرح کی ہو گی، اس فون میں بھی ہوم بٹن نہیں ہو گا لیکن آئی فون 14 کے برعکس اس میں ایک 48 میگا پکسل کا کیمرا ہو گا۔
یاد رہے کہ 2022 میں پیش کیا گیا آئی فون ایس ای 3 ایپل کمپنی کا سستا ترین فون ہے جس کی قیمت 429 ڈالرز ہے، نئے آنے والے فون کی قیمت اس سے بھی کم ہونے کا امکان ہے۔